«Սասնա ծռեր» խմբի անդամ Արմեն Լամբարյանն այսօր՝ սեպտեմբերի 26-ին, տեղափոխվեց Երեւանի «Էրեբունի» հիվանդանոց: NEWS.am-ի թղթակիցն հաղորդում է, որ հիվանդանոցի մոտ էին եկել Արմեն Լամբարյանի հարազատներն ու «Սասնա ծռերի» աջակիցները: «Սասնա ծռերի» անդամին «Դատապարտյալների հիվանդանոց» ՔԿՀ-ից տեղափոխել են «Շտապօգնության» մեքենայով:
NEWS.am-ի թղթակիցն հաղորդում է, որ Արմեն Լամբարյանին հիվանդանոց մտցնելիս նրա հարազատներն ու երեխաները կարողացել են մի քանի վայրկյանով մոտենալ գրկել ու համբուրել նրան:
Ավելի վաղ տեղեկացրել էինք, որ Արմեն Լամբարյանին մեղադրանք է առաջադրվել ՀՀ Քր.օր.-ի 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել) եւ 219-րդ հոդվածի 3-րդ մասի 1-ին կետով (կազմակերպված խմբի կողմից շենքեր, շինություններ, տրանսպորտի, հաղորդակցության կամ կապի միջոցներ զավթելը):
