Սեպտեմբերի 26-ին ԱԺ-ում սկսվել է Երեւանում ռեստորանների ու ոգելից խմիչքի խանութների համար հարկերի նոր համակարգի քննարկումը: «Տեղական տուրքերի ու վճարների մասին» օրենքում փոփոխությունների նախագիծը խորհրդարանում ներակայացնում է Երեւանի փոխքաղաքապետ Կամո Արեյանը:
Հիմա հանրային սննդի կազմակերպման համար եռամսյակային տուրքը կազմում է 1-6 հազար դրամ կապիտալ շենքերում ու զրոյից 1 հազար դրամ՝ ոչ կապիտալներում: Իսկ հիմա վճարները առաջարկում են ըստ մակերեսի որոշել: Ըստ կապիտալ շենքի մակերեսի՝ տուրքերը կազմելու են 5 հազար դրամից սկսած ( մինչեւ 26 քառ մ համար) մինչեւ 50 հազար (501 քառ մ եւ ավելին): Այդ նույն մակերեսով ոչ կապիտալ շենքերից գանձվելու է 1-25 հազար դրամ: Նույն սկզբունքով է փոխվելու նաեւ ոգելից խմիչքի ու ծխախոտի խանութներից գանձվող վճարները (նույն մակերեսների դեպքում՝ 10-100 հազար դրամ):