ԱՄՆ Քալիֆորնիա նահանգի Ֆուլերթոնի ոստիկանությունը եռակի սպանության կասկածանքով երեք մարդու է ձերբակալել, որոնց թվում է անչափահաս աղջիկ: Ոստիկանները հայտարարել են, որ նա եւ տարիքով մեծ եւս երկու ամերիկացիները տան մեջ սպանել են երկու տղամարդու եւ մի կնոջ: Այս մասին հայտնում է Americaru-ն:
Տանը, որտեղ կատարվել է դաժան սպանությունը, եղել են նաեւ երկու երեխաներ՝ 6 եւ 9 տարեկան աղջիկներ: Նրանք զանգահարել են 911 եւ ասել, որ իրենց ծնողները «մահացել են»: Իրավապահները տանը երեք դիակ են հայտնաբերել բռնության հետքերով:
Ոստիկանությունը կալանավորել է երկու մեծահասակներին եւ 17-ամյա Քեյթլին Գուդվիլ Յոսթին, որը, ինչպես պարզվել է, երկու սպանվածների՝ Քրիսթոֆեր Յոսթի եւ Ջենիֆերի Գուդվիլ Յոսթի անհետ կորած դուստրն է: Երրորդ սպանվածը՝ Ուիլյամ Բուշեն, ընտանիքի ընկերն էր:
Ոստիկանությունը պարզում է սպանության դրդապատճառը եւ կատարվածում երկու մեծահասակների մասնակցության հարցը:
