ԱՄՆ Հյուսթոն քաղաքում մի քանի հոգու վիրավորած եւ ոստիկանական գործողության արդյունքում սպանված հրաձիգը իրավաբան է եղել: Reuters-ի տեղեկություններով՝ հրաձգությունից տուժել է 9 մարդ, որոնցից մեկը ծայրահեղ ծանր վիճակում է:
Հյուսթոնի ոստիկանապետ Մարթա Մոնթալվոյի խոսքով՝ հրաձիգը իրավաբան է եղել, սակայն անունը տալ պաշտոնյան հրաժարվել է: Հրաձգության դրդապատճառը աշխատավայրում դժվարություններն են: Ահաբեկչությունը՝ որպես դրդապատճառ, չի դիտարկվում: Ոստիկանները խուզարկել են նրա մեքենան, որում մեծ քանակությամբ զենք է եղել: