Գիտնականները պարզել են, որ Գրենլանդիայում` ձյան հաստ շերտի տակ գտնվող ամերիկյան լքված ռազմաբազան կարող է վտանգավոր լինել շրջակա միջավայրի համար, հայտնում է Informing-ը:
Մասնագետները պատմել են, որ կլիմայական գլոբալ փոփոխությունների հետեւանքով բազայի տարածքից սկսել է ռադիոակտիվ նյութերի արտահոսք կատարվել:
Անցյալ դարի կեսին կառուցված թունելներում ռազմատեխնիկական, գիտահետազոտական նշանակության օբյեկտներ են տեղակայված, գիտական լաբորատորիաներ, ինչպես նաեւ կինոթատրոն, եկեղեցի, խանութներ եւ հիվանդանոց, որոնք գործել են փոքրիկ միջուկային ռեակտորի շնորհիվ: Օբյեկտը ամերիկացիների կողմից ինտենսիվորեն շահագործվել է 1959 թվականից սկսած:
Կանադայում Յորքի համալսարանի աշխատակիցների խոսքով, այն ժամանակ ոչ ոք չէր կարող ենթադրել, որ շատ տարիներ անց թափոնները մակերեւույթ կբարձրանան:
Հնարավոր աղետի մասին հայտնի է դարձել կանադացի մասնագետների վերջերս իրականացրած հետազոտությունների շնորհիվ: Գիտնականները պնդում են, որ որոշակի ջերմաստիճանի պայմաններում թունավոր նյութերի արտանետումներ են տեղի ունենում եւ այդ գործընթացների հետեւանքները կարող են անկանխատեսելի լինել:
