ԱՄՆ-ում սպանությունների մակարդակն անցյալ տարի զգալիորեն բարձրացել է, վկայում է Հետաքննությունների դաշնային բյուրոյի վերջերս հրապարակած դաշնային հանցագործությունների վերաբերյալ վերլուծությունը: Չնայած սպանությունների թիվը շատ ավելի քիչ է 90-ական թվականների համեմատությամբ, սակայն երկրում բռնությունները որոշակիորեն ավելի մեծ թիվ են կազմում: Այս մասին հայտարարել են ՀԴԲ ներկայացուցիչները, փոխանցում է Americaru-ն:
2015 թվականին ԱՄՆ ամբողջ տարածքում սպանությունների թիվը աճել է 10,8 տոկոսով, բռնությամբ ուղեկցվող հանցագործությունների ընդհանուր թիվը մեծացել է 4 տոկոսով: Մի քանի խոշոր քաղաքներում տեղի է ունեցել փողոցային հարձակումների շարք՝ Բալթիմորում, Չիկագոյում, Սենթ Լուիսում, Վաշինգթոնում (Կոլումբիա նահամգ) եւ Միլուոքիում: Փողոցային հանցագործությունների զոհերի մեծ մասը երիտասարդ աֆրոամերիկացիներ են: Սպանությունների 75 տոկոս դեպքերում օգտագործվել է հրազեն:
