Կալիֆորնիայի դատարանը ԱՄՆ-ի 25-ամյա քաղաքացուն 30 տարվա ազատազրկման է դատապարտել «Իսլամական պետություն» խմբավորման գրոհայիններին միանալու նպատակով Սիրիա մեկնելու փորձի համար, հայտնում է Reuters-ը:
«Նա բոլորովին չի զղջում, չի դատապարտում ԻՊ-ի գործունեությունը, ուզում է մահ եւ ավեր տարածել», — CBS Los Angeles հեռուստաալիքին պատմել է դատավորը` նշելով, որ մեղադրյալը հատկապես վտանգավոր է, որովհետեւ հայտնում է, թե պատրաստ է տառապյալի մահով մեռնել:
Քննիչները Նադեր Էլհուզաելի մոտ տեսագրություն են հայտնաբերել, որում տղամարդը 2014 թվականին հավատարմության երդում է տվել ԻՊ-ի առաջնորդ Աբու Բաքր ալ-Բաղդադիին, նշում է International Business Times-ը:
Ամերիկացու ազգականները հերքում են նրան առաջադրված բոլոր մեղադրանքները: «Այս երկրում արդարություն չկա», — հայտնել է դատապարտվածի մայրը: Նրա հայրն իր հերթին որդուն խաղաղասեր մարդ է կոչել:
Էլհուզաելը 2015-ին ձերբակալվել է Լոս Անջելեսի օդանավակայանում, երբ պատրաստվում էր Թուրքիա մեկնող ինքնաթիռ նստել: Այս տարվա հունիսին ամերիկացին մեղավոր է ճանաչվել բանկային խարդախության 26 դիպվածով, ինչպես նաեւ դավադրության եւ ծայրահեղական կազմակերպությանը նյութական աջակցություն տրամադրելու փորձի համար: