Հայաստանում հավաքվող հարկերի մի մասը պետք է տեղերում մնա: Այս մասին սեպտեմբերի 27-ին հայտարարել է Հանրապետական խմբակցության պատգամավոր Խոսրով Հարությունյանը՝ ԱԺ արտահերթ նիստում ելույթ ունենալով «Ֆինանսական հավասարեցման մասին» օրենքում փոփոխություններ կատարելու օրինագծի քննարկմանը:
Նրա խոսքով՝ կարելի է առաջարկել, որ քաղաքապետարաններին մնան իրենց տարածքներում գործող ձեռնարկությունների եկամտահարկի 20 տոկոսը: Համայնքներին կարելի է փոխանցել նաեւ փոքր բիզնեսի շրջանառության հարկից եկամտահարկին հաշվանցվող մասի (40 տոկոս) 20 տոկոսը, ինչպես նաեւ ֆիզիկական անձանց եկամտահարկի մի մասը: Այդ ամենը համայնքներին թույլ կտա իրականացնել պետության պատվիրակած պարտադիր իրավասությունները (միջնակարգ դպրոցների, մանկապարտեզների, պոլիկլինիկաների պահպանումը – խմբ.):
«Համայնքները պետք է ինքնուրույն հայթայթեն եկամուտներ, այլ ոչ թե միայն դոտացիաների միջոցով»,- ընդգծել է Հարությունյանը: