Սաուդյան Արաբիան պատրաստ է նավթի արդյունահանումը նվազեցնել մինչեւ հունվարի մակարդակ, եթե Իրանը արդյունահանումը սառեցնի օրական 3,6 մլն բարելի մակարդակում, «ՌԻԱ Նովոստիին» հայտնել է ալժիրյան պատվիրակության բարձրաստիճան պաշտոնյան:
«Սկզբի համար, ձեռքբերում է հենց միայն այն փաստը, որ մեզ հաջողվել է մի տեղում հավաքել այս երկրներին, բացի ԱՄՆ-ից` երկրներ, որոնք համաշխարհային թատերաբեմում նավթի խոշորագույն արտադրողներն են: Անցած բանավեճերի գլխավոր թեմաներից մեկը դարձել է Սաուդյան Արաբիայի եւ Իրանի խնդիրը: Սաուդյան Արաբիան հայտնել է, որ պատրաստ է նվազեցնել արդյունահանումը` վերադառնալով հունվարի թվերին, եթե Իրանը մնա օրական 3,6 մլն բարելի մակարդակում: Ներկայումս ալժիրյան պատվիրակությունը փորձում է մոտեցնել նրանց տեսակետները: Բայց դա շատ բարդ է, որովհետեւ Իրանը ցանկանում է վերադառնալ օրական 4 մլն բարելի մակարդակին», — պատմել է աղբյուրը:
Ալժիրում սեպտեմբերի 26-28-ին ընթանում է Միջազգային էներգետիկ ֆորումը: Այդ միջոցառման շրջանակում նախատեսված է ՕՊԵԿ-ի երկրների ոչ պաշտոնական հանդիպում: Ակնկալվում է, որ այդ հանդիպմանը կվերականգնվեն բանակցությունները նավթի շուկայում համակարգված գործողությունների, ներառյալ` արդյունահանման սառեցման շուրջ` գների կայունացման նպատակով: