Միջազգային միավորված քննչականբ խումբը, որը հետաքննում է Դոնբասում մալայզիական Boeing 777 կործանումը, Ֆինլանդիայում հրթիռների գաղտնի փորձարկումներ է իրականացրել, որպեսզի պարզի, թե ինչ զենքով է խոցվել օդանավը: Այս մասին հայտնում է De Telegraaf նիդեռլանդական թերթը՝ վկայակոչելով իր աղբյուրները: Փորձի արդյունքները ցույց են տվել, որ օդանավը խոցվել է ռուսական «Բուկ»-ով, այլ ոչ թե ուկրաինականով, ինչպես պնդում է Մոսկվան:
Փորձարկության տեղն ու ժամը չի հաղորդվում, նշում է Yle-ն:
Թերթի աղբյուրների փոխանցմամբ՝ մեղադրանքի ռազմավարությունն աստիճանաբար փոխվում է: Կասկածյալի դատական քննությունը հնարավոր կլինի, երբ կհրապարակվի միավորվածշ քննչական խմբի զեկույցը: NRC թերթը հայտնում է, որ զեկույցը կհրապարակվի սեպտեմբերի 28-ին, բաց է մնում հարցը, թե դրանում արդյոք կլինեն կոնկրետ հանցագործների անունները, որոնք հրամայել էին սեղմել կրակի կոճակը:
Հիշեցնենք, որ Ամստերդամից Կուալա Լումպուր մեկնող Boeing 777 օդանավը կործանվել էր Ուկրաինայի Դոնեցկի մարզում 2014-ի հուլիսի 17-ին: Ավիավթարից զոհվել էր 283 ուղեւոր եւ անձնակազմի 15 անդամ: