ՀԱՊԿ արտակարգ իրավիճակների հարցերով համակարգող խորհրդի նիստը կանցնի Երեւանում սեպտեմբերի 29-ին, հայտնում է ՀԱՊԿ կայքը:
«Սեպտեմբերի 29-ին Երեւանում ՀՀ արտակարգ իրավիճակների նախարար Արմեն Երիցյանի նախագահությամբ կկայանա ՀԱՊԿ անդամ պետությունների արտակարգ իրավիճակների հարցերով համակարգող խորհրդի նիստը, որին կմասնակցի ու ելույթ կունենա ՀԱՊԿ գլխավոր քարտուղարի տեղակալ Վալերի Սեմերիկովը»- ասվում է հաղորդագրության մեջ:
Նիստին քննարկվելու է արտակարգ իրավիճակներին ՀԱՊԿ- ի արձագանքման մասին նախագիծը: Նաեւ օրակարգում են տուժածներին արտակարգ իրավիճակներում օգնություն ցուցաբերելիս միջազգային կազմակերպությունների հետ համագործակցության ընդլայնման մասին հարցերը: Նաեւ քննարկվելու են Հայաստանի տարածքում հումանիտար արձագանքման ռուս- հայկական կենտրոնի ստեղծումը, հաջորդ տարի Արտակարգ իրավիճակների համակարգող խորհրդում նախագահության հարցը եւ 2017-ի վարժանքների ծրագիրը:
