Հայաստանի կառավարությունում պրիմիտիվ գողեր կան: Այս մասին սեպտեմբերի 28-ին ասել է ԱԺ «ժառանգություն» խմբակցության պատգամավոր Զարուհի Փոստանջյանը:
Նրա խոսքով՝ իրավապահ մարմինները չեն կարող նրանց պատասխանատվության կանչել եւ դատի տալ: Իսկ նոր Կառավարությունը նախկինից այնպիսի փաստաթուղթ է ժառանգել, ինչպիսին Հարկային օրենսգրքի նախագիծն է, որը խարխլում է բիզնես ակտիվությունը: «Ամենաթողությունը եւ՛ քաղաքականության մեջ է, եւ՛ տնտեսության: Անգամ մեր խորհրդարանում խոսնակն է որոշում բոլորի փոխարեն, թե ինչ է կարելի, իսկ ինչ ոչ: Իսկ տնտեսության մեջ լիակատար հսկողություն է եւ բիզնեսի նկատմամբ հարկային ծառայության կողմից ճնշումներ»,- ասել է Փոստանջյանը:
Հիշեցնենք, որ վերջերս նոր վարչապետ Կարեն Կարապետյանը հայտարարել էր, որ պետական ապարատում պրիմիտիվ գողությանը պետք է վերջ դնել: