Ազգային ժողովի արտահերթ նիստում այսօր՝ սեպտեմբերի 28-ին, զավեշտալի միջադեպ է գրանցվել: Հայաստանի նախկին վարչապետ Հրանտ Բագրատյանը ելույթի ժամանակ որոշեց անուններով դիմել դահլիճում ներկա բոլոր պատգամավորներին:
«Հարգելի՛ պարոնայք Մնացականյան, Բաղդասարյան, Ավետիսյան, Մելիքյան, Դոխոլյան, Հակոբյան, Ջհանգիրյան: Պարո՛ն Պողոսյան, պարո՛ն կառավարության ներկայացուցիչ Արփինե Հովհաննիսյան…»,- ասաց Բագրատյանը՝ դիմելով արդարադատության նախարար Արփինե հովհաննիսյանին: Դրանից հետո նախկին վարչապետն արագ ուղղեց իր սխալը. «Հարգելի՛ տիկին»:
