Հանրապետության օդային սահմանի անվտանգության ապահովման նպատակով ՊԲ-ում մշտապես իրականացվում են հակաօդային պաշտպանության զորքերի մարտունակության ու մասնագիտական ունակությունների կատարելագործմանն ուղղված միջոցառումներ:
ԼՂՀ ՊՆ մամուլի ծառայությունից հայտնում են, թե սեպտեմբերի 26-ից ՊԲ ռադիոտեխնիկական գումարտակներից մեկում մեկնարկել է մարտավարական զորավարժություն, որը ղեկավարում է բանակի ՀՕՊ պետը:
Զորավարժությունը նպատակ է հետապնդում կատարելագործել հրամանատարների եւ շտաբների աշխատանքների ներդաշնակումը, ինչպես նաեւ անձնակազմի մոտ ձեւավորել բարձր բարոյակամային հատկանիշներ: