Ռուսաստանի ԱԳՆ պաշտոնական ներկայացուցիչ Մարիա Զախարովան Ռուսաստանի հետ Սիրիայի մասին պայմանավորվածությունների էությունը հրապարակելու ԱՄն դժկամությունը բացատրել է ահաբեկիչներին սիրաշահելու խաղերով, հայտնում է Lenta-ն:
«Այն, որ նրանք հիմա խաղում են ու այն, ինչ նրանք հիմա անում են ԱԽ-ում, կազմակերպում այդ շոուն, որ նրանք սիրաշահում են «Ան Նուսրային», որ նրանք այդ խաղերն են խաղում ՝ չափավոր ընդդիմություն, ոչ չափավոր, դուրս կբերենք, կբաժանենք, չենք բաժանի եւ այլն, այդ ամենը ցավոք վատ կավարտվի»,- ասել է Զախարովան:
Նա կարծում է, որ ամերիկյան իշխանությունները հավանաբար հասկանում են, որ այս հարցում չափից հեռու են գնացել ու սկսել են անհանգստանալ: «Եթե Սիրիայում ահաբեկիչները հասկանան, որ Միացյալ Նահանգները իրոք արդեն մտահոգված են նրանով, որ չափավորները ոչ չափավոր են դառնում, նրանց դա չեն ների: Եվ հնարավոր է ՝ Վաշինգթոնում արդեն սկսում են հասկանալ դա ու անհանգստանալ»,- շեշտել է նախարարության ներկայացուցիչը: