ՀՀ կառավարությունը հավանություն չի տվել ավելի քան 16 մլրդ դրամ տարեկան շրջանառություն ունեցող բիզնեսին հարկային արտոնություններ տալու մասին ՕԵԿ խմբակցության օրինագծին: Կառավարության բացասական եզրակացությունը սեպտեմբերի 29-ի նիստին ներկայացրել է էկոնոմիկայի նախարար Սուրեն Կարայանը:
Օրինագիծը չի պարզաբանում, թե կոնկրետ ինչ հարկային արտոնություններ են պետք եւ ինչ ժամկետով: «Հասկանալի չէ, թե ինչու է պետք աջակցել միայն խոշոր ձեռնարկություններին եւ անշահավետ վիճակի մեջ դնել փոքր եւ միջին ձեռնարկություններին»,- ասել է նա:
«Ո՞րն է, ամեն դեպքում, օրինագծի տրամաբանությունը»,- հարցրեց վարչապետ Կարեն Կարապետյանը:
«Մենք ինքներս էլ չհասկացանք»,- պատասխանեց Կարայանը: