Թայլանդում թունավոր ֆիզալիայից այրվելու առաջին դեպքն է գրանցվել, ներկայումս դրանց մեծ հոսք է դիտարկվում երկրի հարավում, հայտնում է Gazeta-ն:
Հաղորդվում է, որ միջադեպը տեղի է ունեցել Փհուկետ կղզու ամենաբազմամարդ լողափերից մեկում` Պատոնգում: Ֆիզալիան կծել է Թայլանդի բնակչուհու, որը, ազդրերի հետեւի հատվածում ցավ զգալով, անմիջապես փրկարարներին է դիմել: Տեղի փրկարարական ծառայության ներկայացուցիչների խոսքով, այրվածքն աննշան է եղել եւ կնոջ կյանքին ոչինչ չի սպառնում:
Ավելի վաղ հաղորդվել էր, որ Թայլանդում ֆիզալիաների գրոհի հետեւանքով երեք լողափ է փակվել Փհուկետում` Նայթոնը, Նայ-Յանգը եւ Լայանը:
Ֆիզալիաները մեդուզաներ հիշեցնող ծովային կենդանիներ են, որոնց չանչերը ամենամեծ քանակությամբ խայթիչ բջիջներ են պարունակում, որոնց թույնը մահացու վտանգավոր է մարդու համար: