Միջազգային ապահովագրական ընկերությունը դատի է տվել Ադրբեջանի տրանսպորտի նախարարությանը:
Ինչպես հայտնում է ադրբեջանական APA գործակալությունը, ապահովագրական ընկերությունը դիմել է Բաքվի տեղական տնտեսական թիվ 1 դատարան՝ գումարների բռնագանձման պահանջով: Հայցի նախնական լսումները կայանալու են հոկտեմբերի 20-ին:
Ընկերությունը, նախարարության պատվերով, ունեցվածքի եւ մեքենաների ապահովագրման ծրագիր է կազմել: Գերատեսչությունը չի վճարել գումարները, որոնք պետք է մուծվեին պատվերի հիման վրա: Միջազգային ապահովագրական ընկերությունը Ադրբեջանի խոշորագույն ապահովագրական ընկերություններից է:
