Հոկտեմբերի 1-ին տասնօրյակին Հայաստանում ջերմաստիճանը նորմայից 5 աստիճանով բարձր կլինի՝ որոշ շրջաններում հասնելով մինչեւ 30 աստիճանի: Այս մասին NEWS.am-ի հետ զրույցում ասաց ՀՀ ԱԻՆ հիդրոմետ ծառայության տնօրենի տեղակալ Գագիկ Սուրենյանը:
Գագիկ Սուրենյանը տեղեկացրեց, որ հոկտեմբերի 1-ից սկսած Իրանի տարածքից մեր երկիր կներթափանցեն արեւադարձային տաք օդային հոսանքներ եւ օդի ջերմաստիճանը 1-ից 5-ը կբարձրանա 5-7 աստիճանով:
Հոկտեմբերի 5-ին Երեւանում ջերմաստիճանը կհասնի 25-27 աստիճանի, իսկ Տավուշում եւ Սյունիքում մինչև 30 աստիճանի: Բարձր ջերմաստիճանը կպահպանվի առաջին տասնօրյակում:
Գագիկ Սուրենյանը նշեց, որ հոկտեմբերին անցած տարի գրանցվել է նորմայից 4-ից 5 աստիճանով ցածր ջերմաստիճան: Նման տաք հոկտեմբեր եղել է 1987թ., 1999թ., 2008թ.: