2016 թվականի տվյալներով՝ Հայաստանի պետական պարտքը կարող է հասնել ՀՆԱ 54,4 տոկոսին: Այս մասին սեպտեմբերի 29-ին կառավարության նիստում հայտարարել է ֆինանսների նախարար Վարդան Արամյանը: Երկու տարի առաջ այդ ցուցանիշը կազմում էր ընդամենը 43,7 տոկոս, հավելել է նա:
Կառավարության նիստից հետո լրագրողների հետ զրույցում նախարարը նշել է. «Չպետք է մոռանալ, որ պարտքով գումարները վերջին տարիներին օգտագործել ենք արտաքին ցնցումներից տնտեսությանն աջակցելու համար»:
Հիշեցնենք, որ գործող օրենսդրությամբ կառավարության պետական պարտքը չպետք է գերազանցի ՀՆԱ 60 տոկոսը (Կենտրոնական բանկի պարտքը սահմանափակված չէ):
