«Նաիրիտ» գործարանի ներկա եւ նախկին աշխատակիցները պատրաստվում են բողոքի ակցիա իրականացնել նախագահի նստավայրի եւ Ազգային Ժողովի դիմաց: NEWS.am-ի հետ զրույցում գործարանի աշխատակիցներից տիկին Սեդան նշեց, որ իրենք չեն հանձնվելու եւ ամեն ինչ անելու են, որպեսզի գործարանը կրկին վերագործարկվի: Տիկին Անահիտը նշեց, որ հոկտեմբերի 4-ին պատրաստվում են Ազգային Ժողովի դիմաց բողոքի ակցիա իրականացնել եւ իրենց պահանջները ներկայացնել պատգամավորներին:
«Մենք պատգամավորներից պահանջելու ենք, որպեսզի գործարանի վերագործարկման հարցը բարձրաձայնեն ամբիոնից, լուծումներ պահանջեն, որոշեն գործարանի ճակատագիրը: Նաեւ նախագահական ենք գնալու, որպեսզի չմտածեն, որ մոռացել ենք գործարանի մասին եւ չենք պահանջում վերագործարկում»,-ասաց նա:
Նշենք, որ նաիրիտցիները սեպտեմբերի 22-ին կառավարության դիմաց հանդիպել էին ՀՀ գյուղտնտեսության նորանաշանակ նախարար Աշոտ Մանուկյանի հետ: Նրանք նախարարից պահանջել էին քայլեր ձեռնարկել գործարանի վերագործարկամն համար: