Չինական կողմը հասկանում եւ աջակցում է Ֆիլիպինների նոր կառավարության քաղաքականությանը, որն ուղղված է թմրահանցագործության դեմ առաջնահերթ պայքարին եւ պատրաստ է Ֆիլիպինների հետ ակտիվ համագործակցություն զարգացնել այդ ոլորտում: Այդ մասին հայտնել է ՉԺՀ-ի ԱԳՆ-ի պաշտոնական ներկայացուցիչ Գեն Շուանը, հայտնում է «Սինհուան»:
Նրա խոսքով, թմրանյութերն ամբողջ մարդկության ընդհանուր թշնամին են, իսկ թմրահանցագործության դեմ պայքարը աշխարհի երկրների ընդհանուր պարտքն է: Չինաստանի կառավարությունն անփոփոխ կերպով վճռական պայքար է մղում թմրահանցագործության դեմ եւ այդ գործում նկատելի արդյունքների է հասել եւ թմրանյութերի դեմ գլոբալ պայքարում կարեւոր ուժ է հանդիսանում:
Նա նաեւ հավելել է, որ երկար ժամանակի ընթացքում Չինաստանն ակտիվորեն առաջ է մղում միջազգային համագործակցությունը թմրանյութերի պատրաստումը, վաճառքը եւ տարածումն արգելելու ոլորտում: Չինական կողմը հասկանում եւ աջակցում է նախագահ Ռոդրիգո Դուտերտեի գլխավորությամբ Ֆիլիպինների նոր կառավարության առաջնահերթ քաղաքականությանը, որն ուղղված է թմրահանցագործության դեմ պայքարին եւ պատրաստ է ֆիլիպինյան կողմի հետ համագործակցություն զարգացնել եւ այդ ուղղությամբ համատեղ գործողությունների պլան մշակել: