Այս պահին Հայաստանի ու Ադրբեջանի նախագահների հանդիպում կազմակերպելու հնարավորություններ չկան: Այս մասին հայտնել է ՀՀԿ պատգամավոր, ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը սեպտեմբերի 30-ի մամուլի ասուլիսի ժամանակ:
Նրա խոսքով երկու նախագահների հանդիպումը հնարավոր կլինի, երբ հնարավոր դառնա համաձայնեցնել օրակարգը: «Այս պահին տեսանելի հեռանկարում նման հնարավորություն չկա: Բայց բնականաբար բանակցությունները նշանակում են նաեւ հանդիպումներ»- նշեց Արտակ Զաքարյանը
Հիշեցնենք, որ ԵԱՀԿ Մինսկի խմբի ամերիկացի համանախագահ Ջեյմս Ուորլիքը հույս էր հայտնել, որ մոտ ապագայում Հայաստանի ու Ադրբեջանի նախագահները կհանդիպեն: