Մթերված խաղողի դիմաց 10 ամիս անց գումարը չստացած աղավնաձորցիներին սկսել են վճարել գումարները: Այս մասին NEWS.am-ի հետ զրույցում ասաց խաղողագործներից Սմբատ Ղազարյանը` նշելով, որ խաղողագործների 60 տոկոսն արդեն ստացել են գումարները:
«Հերթականությամբ տալիս են գումարները, երեւի մինչեւ երեքշաբթի արդեն բոլորին տված կլինեն»,-ասաց նա:
Հիշեցնենք, որ նորանշանակ ՀՀ գյուղատնտեսության նախարար Իգնատի Առաքելյանը սեպտեմբերի 28-ին այցելել էր Վայոց ձորի Աղավնաձոր գյուղ, հանդիպում ունեցել խաղողագործների հետ եւ խոստացել լուծել գումարի խնդիրը:
Նշենք, որ «Վեդի ալկո» ընկերությունը 140 միլիոն դրամի պարտք ուներ խաղողագործներին:
