Երեւանի «Արաբկիր» բժշկական կենտրոնում 2013թ. հունվարի 2-ին մահացած 2-ամյա Լիա Միսակյանի գործով Վճռաբեկ դատարանը բողոքը վարույթ չի ընդունել, պաշտպանները պատրաստվում են դիմել ՄԻԵԴ: Այս մասին NEWS.am-ի հետ զրույցում ասաց դատապարտված բժշկուհիներից մեկի պաշտպան Գիվի Հովհաննիսյանը:
Նշենք, որ 2015թ. հունիսի 15-ին գործով ամբաստանյալ բժշկուհի Լիլիթ Վարդանյանին առաջին ատյանի դատարանը դատապարտել էր 2, իսկ բուժքույր Զարինե Այվազյանին՝ 2,5 տարվա ազատարկման, սակայն համաներմամբ ազատ արձակել:
Տուժող եւ պատասխանող կողմերը վերաքննիչ բողոք էին ներկայացրել: տուժող կողմը պահանջում էր համաներմամբ պատժից ազատված մանկաբույժ Լիլիթ Վարդանյանին ազատազրկել 3, Զարինե Այվազյանին՝ 3 տարի 6 ամսից ժամկետով՝ համապատասխանաբար 2 եւ 2,5 տարվա փոխարեն: Նրանք պահանջում էին նաեւ մանկաբույժներին զրկել որոշակի գործունեւությամբ զբաղվելու իրավունքից` համապատասխանաբար 2 և 3 տարով:
Միաժամանակ, «Արաբկիր» բժշկական համալիրի մանկաբույժների պաշտպանները պահանջում էին նրանց արդարացնել:
Վերաքննիչ դատարանը մերժել էր հայցերը:
Հիշեցնենք, որ 2 տարեկան Լիան «Արաբկիր» բժշկական կենտրոն էր տեղափոխվել 2012թ. դեկտեմբերի 31-ին: Սկզբում, դեղամիջոցներ ընդունելուց հետո, փոքրիկն իրեն ավելի լավ էր զգացել, բայց մեկ օր անց նրա վիճակը վատացել է, եւ աղջնակը մահացել է: «Արաբկիր» բժշկական համալիրի մանկաբույժներ՝ 28-ամյա Լիլիթ Վարդանյանին եւ Զարինե Այվազյանին մեղադրանք է առաջադրվել Քրեական օրենսգրքի 130-րդ հոդվածի 2-րդ մասի հատկանիշներով, որը նախատեսում է ազատազրկում՝ 2-6 տարի ժամկետով, իսկ որոշ պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը 3 տարի ժամկետով: