Շների մոտ «հաղորդակցման» գեն են հայտնաբերել, որն օգնում է նրանց շփում հաստատել տերերի հետ: Այդ բացահայտումը հնարավորություն է տալիս տարբեր հիվանդություններով տառապող մարդկանց բուժման օրիգինալ միջոց գտնել, հայտնում է Planet-today-ը:
Շվեդ մասնագետները փորձեր են անցկացրել շների մի քանի ցեղատեսակների վրա: Նրանք բոլորը դաստիարակության տարբեր պայմաններ են ունեցել, սակայն նրանցից յուրաքանչյուրը կանոնավոր շփվել է մարդկանց հետ:
Փորձի ժամանակ շները պետք է դժվարամատչելի տեղերից ուտելիք հայթայթեին:
Պարզվել է, որ շունը փորձում է այդ գործընթացին հաղորդակից դարձնել նաեւ մարդուն, երբ հասկանում է, որ ինքնուրույն չի կարող կատարել առաջադրանքը:
Գիտնականները պարզել են, որ շունն ունի 5 գեն, որոնք պատասխանատու են շփվելու եւ մարդկանց հետ կապվելու համար:
