D-Link ընկերությունը Հայաստանի դպրոցներում ուզում է ցածր մակարդակի ծրագրավորման դասընթացներ բացել: Այս մասին NEWS.am-ի հետ զրույցում ասել է Հայաստանում ընկերության ներկայացուցիչ Արմեն Շահնազարյանը:
Արտասահմանում low-level ծրագրավորումը գնահատում են եւ բարձր են վարձատրում: Դրանք ծրագրեր են գրում պրոցեսորների եւ արտաքին սարքերի համար: Սակայն Հայաստանում այդ մասնագիտության աշխատաշուկան շատ սահմանափակ է: Այդ պատճառով ուսանող-տեխնիկները նախընտրում են սովորել սովորական ծրագրավորում: «Այդ պատճառով մենք կադրային խնդիրներ ունենք»,- նշել է Շահնազարյանը:
2017-ին D-Link-ն ուզում է Հայաստանի 15 դպրոցներում սկսել դասավանդել low-level ծրագրավորման հիմունքներ: «Մենք սկսնակ կուրսեր ենք պլանավորում դիդակտիկ նյութերով եւ ուսումնական ստենդերով, որպեսզի երբ աշակերտները տվյալների փոխանցում ծրագրավորեն հարդվերի վրա, նրանք տեսնեն դա: Իսկ մեր սերունդը, անկեղծ ասած, ավելի լավ է ծանոթ երկաթին, քան ներկայիս սերունդը: Ընդհանուր առմամբ, նրանք պատկերացնում են, թե դա ինչ է, սակայն շատերը երբեք չեն տեսել:
Շատ կարեւոր է, որ երեխան հասկանա, թե ինչպես է ամեն բան աշխատում իրականում: Այդ պատճառով մենք ուզում ենք ամեն բան ցույց տալ ստենդի վրա: Ուզում ենք դրանք գնել իսպանական Edibon ընկերությունից»,- ասել է Շահնազարյանը:
Դրանք ընկերությունը պատրաստվում է գնել, երբ ՏՏ շուկան կարգավորվի տատանումներից: