«Սասնա ծռեր» խմբի անդամ Թաթուլ Թամրազյանի խափանման միջոց կալանքը երկու ամսով երկարաձգվել է: Երեւանի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը բավարարելէ նախաքննական մարմնի՝ Թաթուլ Թամրազյանի կալանքը երկարացնելու միջնորդությունը: NEWS.am-ի հետ զրույցում նրա պաշտպան Մոնիկա Մարգարյանը նշեց, որ Թաթուլ Թամրազյանը հրաժարվել է մասնակցել միջնորդության քննությանը՝ նշելով, որ չի ուզում ներկա գտնվել թատերական ներկայացմանը:
Թաթուլ Թամրազյանին մեղադրանք է առաջադրվել ՀՀ Քր.օր.-ի 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել) եւ 219-րդ հոդվածի 3-րդ մասի 1-ին կետով (կազմակերպված խմբի կողմից շենքեր, շինություններ, տրանսպորտի, հաղորդակցության կամ կապի միջոցներ զավթելը), 218-րդ հոդվածով՝ (պատանդ վերցնելը):
Հիշեցնենք, որ Թաթուլ Թամրազյանը վիրավորվել էր հուլիսի 17-ին՝ ոստիկանության ՊՊԾ գունդը գրոհելու ընթացքում տեղի ունեցած փոխհրաձգության ժամանակ:
