Թեքսասի դաշնային շրջանային դատարանը Apple-ին պարտադրել է ավելի քան 302 մլն դոլար վճարել VirnetX ընկերությանը որպես փոխհատուցում ընկերության տեխնոլոգիաներն ապօրինի օգտագործելու համար, հայտնում է Reuters-ը:

Երդվյալ ատենակալները ապացուցված են համարել iPhone-ի արտադրողի կողմից VirnetX-ի երկու պատենտերի հեղինակային իրավունքների խախտման փաստը: Դրանցից մեկը կապված է FaceTime տեսազանգի տոխնոլոգիաների հետ, իսկ մյուսը՝ VoD հավելվածի, որը թույլ է տալիս օգտատերերին համացանցով մեդիակոնտենտ ստանալ սերվերից:

Սա Apple-ի դեմ VirnetX-ի առաջին բողոքը չէ: 2016-ի փետրվարին Թեքսասի դատարանը խոստովանել էր, որ Apple-ի որոշ ծրագրեր, մասնավորապես, FaceTime, iMessage եւ պատվերով VPN ծառայությունները խախտում են VirnetX-ի մտավոր սեփականության իրավունքը եւ ընկերությանը պարտադրել էր 325 մլն դոլար վճարել: Ավելի ուշ վճիռը բեկանվել էր, քանի որ վճռաբեկ դատարանը որոշում էր ընդունել, որ երդվյալները անարդարացի են եղել Apple-ի նկատմամբ: