Ղրղզստանի նախագահ Ալմազբեկ Աթամբաեւը դուրս է գրվել Մոսկվայի կենտրոնական կլինիկական հոսպիտալից, հայտնում է «ՌԻԱ Նովոստի»-ն՝ վկայակոչելով Մոսկվայում Ղրղզստանի դեսպանատան մամուլի խոսնակ Գուլբարիչ Բայըմբեթովային:
«Նախագահի բուժումն ավարտվել է: Նրա վիճակը լավ է, հետազոտության արդյունքները՝ նույնպես: Նա դուրս է գրվել»,- ասել են դեսպանատնից:
Այս պահին Աթամբաեւը պատրաստվում է մեկնել Ղրղզստան:
Հիշեցնենք, որ Աթամբաեւը Մոսկվա էր ժամանել ռուսական կողմի հրավերով բուժման նպատակով:
