Բրիտանական BBC–ի թղթակից Էնթոնի Զուրկերը ներկայացրել է ծավալուն հոդված Լոս Անջելեսի 200 հազարանոց համայնքի ու մասնավորապես Գլենդեյլի մասին, որտեղ հայերը բնակչության 30 տոկոսն են կազմում։
Հայերը սկսել են Քալիֆորնիա գալ 20-րդ դարի սկզբին ու հիմնականոմ աշխատել են նահանգի կենտրոնական մասում, ոմանք էլ Գլենդեյլում են բնակություն հաստատել։ Ավելի ուշ այստեղ են սկսել գալ նաեւ նրանց հարազատները, այստեղ բացվել է եկեղեցի, հայկական խանութներ։ Այստեղ ապրում են նրանք, ովքեր պատերազմներից ու տնտեսական կոլապսներից են փախել՝ ոմանք եկել են Իրանում հեղափոխությունից հետո, մյուսները Լիբանանում քաղաքացիական պատերազմներից են փախել կամ էլ Խորհրդային միության փլուզումից հետո են այստեղ տեղափոխվել։ Հիմա այստեղ ապրում են նաեւ նրանք, ովքեր Իրաքում ու Սիրիայում սկսված պատերազմներից են փախել։ «Լոս Անջելեսի հայկական համայնքը կարկատաններով ծածկոց է, որը ստեղծված է գաղթելու տարբեր պատճառներով, ազգային տարբեր փորձերով, ասիմիլացման տարբեր փուլերում գտնվող ներգաղթյալներից»,- գրում է հեղինակը։
Նրանցից են նաեւ Քարդաշյանների գերդաստանը, եւ՛ Տիգրան Զաքարյանը, եւ ՛ Քալիֆորնիայի նախկին նահանգապետ Ջորջ Դոքմեջյանը, եւ՛ չինովնիկ Արդի Քասախյանը․ «Նրանց միավորում է Դեր Զորի փորձը։ Հայ ժողովուրդը մինչեւ այսօր գտնվում է այդ իրադարձությունների ստվերում, դա ձեւավորում ու ստեղծում է նրանց քաղաքականությունը, նույնիսկ Գլենդեյլում»,- համարում է Զուրկերը։
Նրանք բոլորը հիշում են Հայոց ցեղասպանության մասին։ «Ինձ համար դա շատ կարեւոր է, քանի որ իմ հոր ընտանիքին սպանել են Ցեղասպանության ժամանակ, ես երբեք չեմ տեսել իմ պապիկին ու տատիկին, հորեղբորս ու մորաքրոջս։ Մենք բոլորս ամերիկացիներ ենք, մենք կանենք ամեն ինչ այս երկրի համար, բայց երբեք չենք մոռանա Ցեղասպանության մասին»,- ասում է Գլենդեյլի բնակիչ Զավան Ղազազյանը։
Ինչպես նշում է հոդվածագիրը՝ Հայոց ցեղասպանությունը ճանաչելու՝ Վաշինգթոնի դժկամության հետ մեկտեղ տեղի հայերը իրենց ազգության պատճառով նաեւ այլ դժվարությունների են բախվում։ Օրինակ հայ քաղաքական գործիչների համար դժվար է լինում ընտրվել իրենց ազգանվան պատճառով։ Հաճախ նրանց ընդդիմախոսներին աջակցում է այն մասնավոր դպրոցների ասոցացիան, որոնց անդամ դպրոցները Ֆեթուլահ Գյուլենն է հիմնադրել։
Հայերը Հայոց ցեղասպանության 100 –րդ տարելիցի կապակցությամբ հիշատակի երթ էին կազմակերպել ու արել ամեն ինչ, որպեսզի ցեղապանության մասին պատմեն դպրոցներում։ Դա չի կարող դուր գալ թուրքական կազմակերպություններին։ Արդի Քասախյանը առաջին անգամ դրան բախվել է համալսարանում։ Քասախյանը ասում է, որ ինքը հերթական անգամ է առերեսվել նրան, որ դեմ է գնացել թուրքական շահերին։ Նահանգի ասամբլեայում ընտրարշավի ժամանակ նրա խոսքով իր ըննդիմախոսները միլիոնավոր դոլարներ են ծախսում։ Մասնավորապես շատ գումար է ծախսվել ֆլայերներ բաժանելու համար, որոնցում խոսվում է ընտրությունների ընթացքում ձայների իբրեւ սխալ հաշվարկի մասին, երբ Քասախյանը Գլենդեյլի կլերկ է ընտրվել։
Նրանց խոսքով Քալիֆորնիան թուրքամետ ուժերի ուշադրության կենտրոնում է։
