Ռուսաստանի արտգործնախարար Սերգեյ Լավրովը հեռախոսազրույց է ունեցել ԱՄՆ պետքարտուղար Ջոն Քերրիի հետ, որի ընթացքում նրանք քննարկել են Սիրիայում ստեղծված իրավիճակը, հայտնում է ՌԴ ԱԳՆ պաշտոնական ֆեյսբուքյան էջը։
«Արտաքին քաղաքական գերատեսչությունների ղեկավարները շարունակել են քննարկել իրավիճակը Սիրիայում՝ այդ թվում իրավիճակի կարգավորման հնարավորությունները Հալեպի շուրջ, որտեղ հակառակ ռուս-ամերիկյան պայմանավորվածություններին շարունակվում են մարտական գործողությունները»,- ասվում է հաղորդագրության տեքստում։
Գերատեսչության ներկայացուցիչները նաեւ շեշտել են, որ զրույցը տեղի է ունեցել ամերիկյան կողմի նախաձեռնությամբ։
՝