Ճապոնական ավիաընկերությունները 85 չվերթ են չեղարկել մոտեցող «Չաբա» թայֆունի պատճառով, հայտնում է NHK–ը։
Հաղորդվում է, որ չվերթները չեղարկվել են թայֆունին առավել մոտ գտնվող Կյուսյու կղզու քաղաքներում։ Ավիաընկերությունները ուղեւորներին կոչ են անում հետեւել հաղորդվող տեղեկություններին, քանի որ հնարավոր է՝ այլ չվերթներ էլ չեղարկվեն։
Թայֆունի կենտրոնում քամու արագությունը հասնում է վայրկյանում 40 մետրի, ուժգնացումների ժամանակ՝ 60–ի։