1992 թվականի հոկտեմբերի 10-ին ավարտվել է Հայաստանի Հանրապետության Զինված ուժերի քիմիական զորքերի կազմավորումը, իսկ 1996 թվականից ամեն տարի հոկտեմբերի 10-ին Հայաստանում նշվում է Քիմիական զորքերի օրը։

Քիմիական զորքերի հիմնական նշանակությունը բնակչության եւ թիկունքի օբյեկտների պաշտպանության կազմակերպումն է քիմիական վտանգից ինչպես խաղաղ, այնպես էլ պատերազմական ժամանակ։

Բացի քիմիական վերահսկողության իրականացման հետ կապված խնդիրներից, քիմիապես վտանգավոր օբյեկտների վթարների հետեւանքների վերացումից, ներկայումս քիմիական զորքերի ստորաբաժանումները նոր խնդիր ունեն՝ բնապահպանական աղետների հետեւանքների վերացումը։