ՀԱՊԿ անդամ երկրները Երեւանում Հավաքական անվտանգության խորհրդի նստաշրջանում հայտարարություն կանեն միջազգային անվտանգության վրա ՀՀՊ համակարգերի միակողմանի տեղակայման ազդեցության մասին, կլինի նաեւ առանձին հայտարարություն ղարաբաղյան հակամարտության հարցով։ Այս մասին ասել է ՌԴ նախագահի օգնական Յուրի Ուշակովը, փոխանցում է «ՌԻԱ Նովոստի»–ն։
«Կլինի առանձին հայտարարություն ղարաբաղյան հակամարտության հարցով եւ միջազգային անվտանգության եւ կայունության վրա ՀՀՊ համակարգերի միակողմանի տեղակայման ազդեցության մասին»,– ասել է Ուշակովը։
Նրա խոսքով՝ ընդհանուր առմամբ ստորագրման կպատրաստվի 24 փաստաթուղթ, նրանց մի մասը փակ բնույթ է կրում։
