Եվրասիական տնտեսական հանձնաժողովը ԵՏՄ-ում գազի, նավթի եւ նավթամթերքի ընդհանուր շուկայի հիմքերն է դնում: Այս մասին հոկտեմբերի 14-ին Երեւանում Եվրասիական գործընկերության միջազգային առաջին համաժողովի եւ Հայ-ռուսական միջտարածաշրջանային 5-րդ համաժողովի ժամանակ հայտարարեց Եվրասիական տնտեսական հանձնաժողովի (ԵՀԿ) կոլեգիայի նախագահ Տիգրան Սարգսյանը:
Նրա խոսքով՝ առայժմ Հանձնաժողովը քննարկում է ածխաջրածինների առեւտրում յուրաքանչյուր երկրի շահերն ու ռազմավարական այդ շուկայում առեւտրի ազատականացումից օգուտը: Իսկ մինչեւ 2016 թվականի ավարտը պետք է գործարկվեն դեղորայքի եւ բուժսարքավորումների ընդհանուր շուկաները: