Պեկինի իշխանությունները ուժգին սմոգի պատճառով վտանգի բարձր՝ «դեղին» մակարդակ են հայտարարել:
Առողջության համար վտանգավոր մանրագույն ՊՄ-2,5 կարծր մասնիկների խտությունը Չինաստանի մայրաքաղաքի օդում կազմել է մեկ խորանարդ մետրում մոտ 200 միկրոգրամ: Առողջապահության համաշխարհային կազմակերպության նորմաների համաձայն՝ այդ մասնիկների օրական անվտանգ չափաքանակը չպետք է գերազանցի խորանարդ մետրում 25 միկրոգրամը: Այս մասին հայտնում է ՏԱՍՍ-ը:
Իշխանությունները երեխաներին, տարեցներին եւ շնչուղիների հիվանդություններ ունեցող մարդկանց խորհուրդ են տվել խուսափել երկար ժամանակ փողոցում մնալուց:
