Հնդկաստանի հյուսիս-արեւելքում կրոնական հավաքի ժամանակ հրմշտոցի հետեւանքով առնվազն 19 մարդ է մահացել: Այս մասին գրում է ՌԻԱ Նովոստի՝ վկայակոչելով ANI գործակալությունը:
Դեպքը տեղի է ունեցել հոկտեմբերի 15-ին, Ուտտար-Փրադեշ նահանգի Վարանասի քաղաքում: Բուժաշխատողներից մեկի տեղեկացմամբ՝ միջադեպի հետեւանքով 15 կին եւ 4 տղամարդ է զոհվել, եւս 4 մարդ վիրավոր է:
Հնդկաստանի վարչապետ Ներանդրա Մոդին ցավակցություն է հայտնել ողբերգության կապակցությամբ: