Լեւոն Տեր-Պետրոսյանի հայտարարությունը, թե Հայաստանին մոտ ժամանակներս տնտեսական աղետ՝ դեֆոլտ է սպառնում, առաջին հերթին քաղաքական էր իր բովանդակությամբ: Այս մասին NEWS.am-ի թղթակցի հետ զրույցում նշել է Քաղաքական եւ միջազգային հետազոտությունների կենտրոնի փոխտնօրեն, քաղաքագետ Ռուբեն Մեհրաբյանը՝ հավելելով, որ հենց այդ բովանդակությամբ էլ Լեւոն Տեր-Պետրոսյանը փորձեց ներկայացրել իր խոսքը եւ հասարակությանը, եւ իշխանությանը:
«Խոսել այդ հայտարարության տնտեսական հիմքերի մասին այս պահին, իհարկե, չափազանցություն կլինի, որովհետեւ չնայած նրան, որ գաղտնիք չէ, թե ինչ արատավոր տնտեսական քաղաքականություն է իրականացվում Հայաստանում, բայց այնուամենայնիվ, տեսնում ենք, որ ՀՀ տնտեսությունը գտնվում է միջազգային կառույցների կոշտը վերահսկողության ներքո: Դեֆոլտը չափազանց լուրջ պայթյուն է, եւ միջազգային ֆինանսական կազմակերպությունները հազիվ թե թույլ տային նման զարգացում, կամ առնվազ թափ չտային ՀՀ իշխանություններին, եթե նման վտանգ լիներ»,-ասաց նա:
Ուբեն Մեհրաբյանը համոզմունք հայտնեց, որ եթե նման հեռանկարի ինչ-որ նախանշաններ լինեին, ՀՀ-ում գործող միջազգային ֆինանսական կազմակերպությունները ահազանգը կնչեցնեին:
«Սա, նախեւաաջ, կապված է նրա հետ, որ Տեր-Պետրոսյանը որպես քաղաքական գործիչ, փորձում է գործող իշխանությանը նման հնչեղ հայտարարություններով նեղը գցել»,-ասաց Մեհրաբյանը՝ հավելելով, որ վերջին ՏԻՄ ընտրություններում ՀԱԿ-ն այնպիսի ցածր արդյունքներ է արձանագրել, որ հազիվ թե դա տպավորություն թողնի իշխանության վրա. «Չնայած դեֆոլտը շատ հնչեղ բառ է, բայց չեմ կարծում, որ այդ մտահղացումն արդարացվեց՝ դատելով արձագանքներից: Այդ հայտարարության քաղաքական նշանակությունը, ըզտ էության, չաշխատեց»,-ընդգծեց նա: