«Իսկանդեր Մ» հրթիռային համալիրները Կալինինգրադ տեղափոխելը անհրաժեշտ է Եվրոպայում ամերիկյան ՀՀՊ օբյեկտների ի հայտ գալուն պատասխանելու համար: Այս մասին «Վեստի վ սուբոտու» ծրագրում ասել է ՌԴ Պետդումայի պաշտպանության հարցերով հանձնաժողովի ղեկավար Վլադիմիր Շամանովը:
«Այդ հրթիռներն առաջին հերթին ուղղված կլինեն այն օբյեկտների դեմ, որոնք խախտում են հավասարակշռությունը, եւ որոնք տեսանելի ապագայում կտեղադրվեն այսպես կոչված ՀՀՊ շրջանակներում»,- ասել է նա:
Նա հիշեցրել է, որ «Իսկանդեր»-ը գերճշգրիտ համալիր է: «Այսինքն՝ ըստ էության նշանառության կետից շեղումը առավելագույնը 1 մ է»,- նշել է նա:
