Ինդոնեզիայի Բալի զբոսաշրջային կղզու կամուրջը փլվել է, խլելով ինը մարդու կյանք ու վնասելով ևս 34-ին։
Դեպքը տեղի է ունեցել տեղական ժամանակով 19։30-ին, երբ կախովի կամուրջը, որը կապում է Նուսա Լեմբոնգան ու Նուսա Չենինգան կղզիները, գերծանրաբեռնված է եղել, հայտնել է Բալիի որոնողական փրկարարական ծառայության ղեկավար Դիդի Խանզարը, փոխանցում է «Սինհուան»։ Կրոնական տոնի ժամանակ կամրջով չափից շատ մարդիկ ու փոխադրամիջոցներ էին երթևեկում, դրա համար էլ կամուրջը պահող ճոպանները պոկվել են»,- ասել է նա։