Անօթեւանների ընդունման կենտրոնում, որը Փարիզի XVI շքեղ շրջանում պետք է բացվի նոյեմբերի սկզբին, երկուշաբթի՝ հեկտեմբերի 17-ի գիշերը, հրդեհ է բռնկվել: Հրշեջները պատահարի վայրում դյուրավառ հեղուկ են հայտնաբերել: Այս մասին հայտնում է RFI-ն:
Հրդեհը սկսվել է առավոտյան մոտ ժամը 8-ին: Պահպանության աշխատակիցն անմիջապես ահազանգել է հրշեջներին, որոնք պատահարի վայրում դյուրավառ հեղուկ են հայտնաբերել: France Bleu ռադիոկայանի տեղեկություններով՝ կրակը վնասել է կենտրոնի շենքերից մեկի ճակատամասը: Փարիզի քաղաքապետարանից հայտարարել են, որ չնայած պատահարին, հաստատությունը կբացվի:
Aurore ասոցիացիայի ղեկավար Էրիկ Պլիեն, որն ապահովում է կենտրոնի աշխատանքը, հայտարարել է, որ «պատահականություն չէ այն, ինչ տեղի է ունեցել հատկապես հիմա, երբ բացման օրը մոտ է»: Նա հավելել է, որ ասոցիացիան մտադիր է ուժեղացնել գիշերային հսկողությունը:
