2016 թվականի աշնանը Instagram-ի (պատկանում է Facebook-ին) թիմը տեղափոխվել է նոր գրասենյակ: Wired պարբերականը հրապարակել է նոր գլխամասային գրասենյակի նկարները:
Instagram-ում աշխատում են 350 մարդ, ընդ որում նախկինում ընկերության թիմը աշխատում էր Facebook-ի աշխատակիցների հետ միասին միեւնույն շենքում: Այժմյան գրասենյակը տեղակայված է Մենլո-Փարքում գտնվող սոցիալական ցանցի գլխավոր գրասենյակից ոչ հեռու:
Instagram-ի ղեկավարությունը ցանկանում էր, որ ընկերության նոր գրասենյակը արտացոլեր ծառայության գաղափարախոսությունը: Այսպիսով, գրասենյակի պատերին տեղադրված էկրաններին հայտնվում են ծառայության օգտատերերի լավագույն նկարները: Բացի դրանից, գրասենյակում հատուկ տարածքներ կան, որտեղ աշխատակիցներն ու հյուրերը կարող են նկարվել:
Instagram-ի գլխամասային գրասենյակում նաեւ կա ճաշարան, գրադարան, բանակցությունների համար սենյակներ:
Տեղափոխումը կատարվել է ծառայության վեցամյակի առիթով: