Բրազիլական Սան Պաուլու քաղաքի Ֆրանկո դա Ռոշա քաղաքի բանտից երկուշաբթի մինչեւ 300 բանտարկյալ փախուստի է դիմել: Այս մասին գրում է ՌԻԱ Նովոստին՝ վկայակոչելով բրազիլական իշխանություններին:
Ուղղիչ հաստատությունների հարցերի նախարարության տվյալներով՝ 55 մարդ է փախել, սակայն բրազիլական ռազմական ոստիկանությունը պնդում է, որ նրանց թիվը 300-ի է հասնում: Նրանք փախել են բանտի հոգեբուժարանից: Ըստ Folha de Sao Paulo-ի՝ երկուշաբթի երեկոյան հաջողվել է ձերբակալել միայն 18 փախստականի:
Սա տեղի է ունեցել Ռորայմա եւ Ռոնդոնիա նահանգների երկու բանտերում խոշոր խռովություններից հետո: Առաջին դեպքում տեղական լրատվամիջոցները հաղորդում էին 25 բանտարկյալի զոհվելու մասին, բայց հետո բանտի ղեկավարությունը հայտնեց, որ նրանց թիվը 10-ն է: Երկրորդ խռովության ժամանակ 8 մարդ է սպանվել:
