Russia Today հեռուստաալիքի Լոնդոնի ներկայացուցչության հաշիվները փակելու որոշումը բանկը չի կայացրել, «դա հստակ է աստվածային պարզ օրվա պես», պետք է ուրիշների հետ այնպես վարվես, ինչպես կցանկանաս, որ քեզ հետ վարվեն: Այս մասին ասել է Ռուսաստանի ԱԳ նախարար Սերգեյ Լավրովը:
Երկուշաբթի հեռուստաալիքի գլխավոր խմբագիր Մարգարիտա Սիմոնյանը հայտնել էր, որ Մեծ Բրիտանիայում RT-ի բոլոր հաշիվները փակվել են, եւ այդ որոշումը վերանայման ենթակա չէ: «ՌԻԱ Նովոստի»-ն տնօրինում է համապատասխան նամակի պատճենը, որը NatWest բակն ուղարկել է հեռուստաընկերությանը: RT UK-ի տնօրեն Քրիս Վուդի խոսքով՝ նամակում նշված է, որ բանկը նախատեսել է «երկու ամիս ժամկետով» դադարեցնել հեռուստաալիքի հետ աշխատանքը:
«Հստակ է աստվածային պարզ օրվա պես, այդ որոշումն, իհարկե, այդ բանկը չի կայացրել եւ ընդհանրապես ոչ մի բանկ ինքնուրույն այդպիսի որոշումներ չի կարող ընդունել: Իրավիճակը բավական ակնհայտ է, կարծում եմ որ պետք է մտաբերել հին իմաստնությունը, որը մոտավորապես այսպես է հնչում. ուրիշների հետ երբեք մի վարվիր այնպես, ինչպես չէիր ցանկանա, որ քեզ հետ վարվեն»,- ասել է Լավրովը:
