Facebook մեսսենջերի օգտատերերը նկատել են, որ այնտեղ նոր գործառույթ է հայտնվել։ Զրուցակիցների անունների տակ սկսել են հայտնվել նշումներ, թե ինչից ավելի ճիշտ կլինի սկսել խոսակցությունը հենց այդ մարդու հետ, հայտնում է TechCrunch–ը։
Ընկերներին խոսակցության «դրդելու» համար մեսենջերը ցույց է տալիս տվյալ օգտատիրոջ վերջին գործողությունը, նրա լսած վերջին երգը, վայրը, ուր նա այցելել է կամ պլանավորած միջոցառումը։
TechCrunch–ը ենթադրում է, որ այդ գործառույթը փորձարկվում է սահմանափակ թվով iOS օգտատերերի համար։ Դեռեւս հայտնի չէ, թե այն հասանելի կլինի արդյոք լայն լսարանին։