Հայաստանում կպատժեն ֆինանսական բուրգեր կազմակերպողներին։ Այս մասին հոկտեմբերի 18-ին խորհրդարանում ասել է ԿԲ փոխնախագահ Ներսես Երիցյանը՝ ներկայացնելով Քրեական օրենսգրքում փոփոխությունների նախագիծը։

Ֆինանսական բուրգի սահմանումը դասական է. սխեմա, որի դեպքում ավանդատուներին խոստանում են բացառապես նորերին ներգրավելու հաշվին շահույթ։ Բուրգեր ստեղծելու կամ կառավարելու համար նախատեսվում է 500-800 հազար դրամ տուգանք կամ 2-3 ամսվա կալանք։ Եթե խարդախությանը ներգրավված է լինում հատկապես խոշոր չափի գույք, կամ դրանում պաշտոնական դիրքի չարաշահում է լինում, ապա պատիժը կդառնա քրեական՝ 2-5 տարով։

Կազմակերպված խմբի մասնակցությամբ նման հանցագործությունները կպատժվեն 5-8 տարվա ազատազրկմամբ։ ԿԲ փոխնախագահի խոսքով՝ վերջին 2-3 տարում Հայաստանում հայտնվել է նմանատիպ մի քանի սխեմա, սակայն բուրգի հստակ սահմանման բացակայությունը իրավապահներին թույլ չի տալիս չարագործներին պատասխանատվության կանչել։