Ռուսաստանի կողմից «Իսկանդեր» համալիրները Կալինինգրադ տեղակայելը Եվրոպայի դեմ ուժի ագրեսիվ ցուցադրություն է։ Այս մասին ասել է Լիտվայի նախագահ Դալյա Գրիբաուսկայտեն, փոխանցում է Reuters–ը։
«Հաշվի առնելով այն փաստը, որ «Իսկանդերը» հարձակվողական սպառազինություն է, դա նշանակում է ուժի ագրեսիվ ցուցադրություն եւ ոչ միայն Բալթյան երկրների նկատմամբ, այլ նաեւ ամբողջ Եվրոպայի»,– ասել է նախագահը ֆինն գործընկեր Սաուլի Նիյնիստյոյի հետ հանդիպման ավարտին։
