Արմավիր-Գյումրի ավտոճանապարհին հոկտեմբերի 18-ին տեղի ունեցած ավտովթարի հետեւանքով մահացած Արմավիրի մարզի Ալաշկերտ գյուղի 22-ամյա բնակիչը Գյումրիից վերադառնալիս է եղել գյուղ: NEWS.am-ի հետ զրույցում Ալաշկերտի գյուղապետ Կարեն Հովհաննիսյանը նշեց, որ վթարված ավտոմեքենան առաջինը նկատել են քաղաքացիները, որոնք էլ օգնության են հասել Սմբատ Բաղդասարյանին:
Գյուղապետը նշեց, որ 22-ամյա Սմբատը ընտանիքի ավագ որդին էր, ունի իրենից փոքր երկու եղբայր: Նրա եղբայրներից մեկը Արցախում ծառայում է, իսկ մյուս եղբայրը՝ Ռուսաստանում արտագնա աշխատանքի է:
Ավելի վաղ տեղեկացրել էինք, որ Արմավիր-Գյումրի ավտոճանապարհին տեղի է ունեցել ավտովթար, որի հետեւանքով մահացել է 22-ամյա Սմբատ Բաղդասարյանը, որին հայտնաբերել են վթարված ավտոմեքենայի կողքին: