Հայ-թուրքական արձանագրությունների ճակատագիրը կախված է սպասվելիք քաղաքական գործընթացներից, խորհրդարանում հայտարարել է Հայաստանի արտգործնախարար Էդվարդ Նալբանդյանը։
Նրա խոսքով, Հայաստանի դիրքորոշումն այս հարցի առնչությամբ չի փոխվել. Երեւանը պատրաստ է կրկին սկսել գործընթացը, հենց որ Անկարան հաշտեցման պատրաստակամություն հայտնի։ ԱԳ նախարարը նշել է, որ ներկայումս Երեւանի եւ Անկարայի միջեւ այս առումով բանակցություններ չեն ընթանում։ Նալբանդյանը նաեւ ընդգծել է, որ Հայոց ցեղասպանության փաստը չի կարող կասկածի տակ դրվել։ «Հայաստանն ամեն ինչ արեց հայ-թուրքական գործընթացի առաջխաղացման համար։ Երեւանը պատրաստակամություն ցուցաբերեց վավերացնել արձանագրությունները»,- ասել է Նալբանդյանը՝ նշելով, որ այժմ Թուրքիայի հերթն է։ Նա հիշեցրել է, որ Երեւանում այս մասին հայտարարել էր նաեւ ԱՄՆ պետքարտուղար Հիլարի Քլինթոնը՝ աելով, որ գնդակն այժմ թուրքական կիսադաշտում է։
